Ganesh Utsav Special - Annadan to 101 Underprivileged People

🎉 गणेशोत्सव अन्नदान आणि सामाजिक उपक्रम 💖

गणेशोत्सव अन्नदान उपक्रम

गणेशोत्सवाच्या पवित्र पर्वावर गरजू आणि गरीब बांधवांसाठी अन्नदान शिबिराचे आयोजन.

सविस्तर वाचा ⏩

गणेशोत्सव अन्नदान: आनंदाची वाटणी आणि पोषण!

गणेशोत्सवात शिवाजी शेलार मेमोरियल फाउंडेशनतर्फे १०१ गरजूंना अन्नदान!

तळेगाव-दाभाडे: गणेशोत्सव हा आनंद, भक्ती आणि ऐक्याचा सण आहे. या सणाच्या निमित्ताने समाजातील आर्थिकदृष्ट्या दुर्बल घटकांच्या चेहऱ्यावर आनंद फुलवण्यासाठी शिवाजी शेलार मेमोरियल फाउंडेशनतर्फे अन्नदान उपक्रम राबवण्यात आला. तळेगाव दाभाडे आणि पिंपरी-चिंचवड परिसरातील १०१ गरजूंना पोळी-भाजी, मसाले भात, गोड पदार्थ आणि मोदक प्रसाद देऊन सामाजिक बांधिलकी जोपासली गेली. या उपक्रमामुळे शेकडो चेहऱ्यांवर समाधान आणि आनंद दिसून आला.

या उपक्रमाचे नेतृत्व श्रीमती लिपिका अविनाश शेलार आणि श्रीमती मिनाक्षी शेलार यांनी केले. गेल्या दोन वर्षांपासून शिवाजी शेलार मेमोरियल फाउंडेशन शिक्षण, आरोग्य, महिला सक्षमीकरण आणि पर्यावरण संवर्धन क्षेत्रात समाजोपयोगी उपक्रम राबवत आहे.

याप्रसंगी श्रीमती लिपिका शेलार म्हणाल्या, “गणरायाची खरी सेवा म्हणजे समाजातील उपेक्षितांना आनंद देणे. याच उद्देशाने आम्ही हा अन्नदान उपक्रम राबवला. भविष्यातही असे विधायक उपक्रम सुरू ठेवण्याचा आमचा मानस आहे.” तसेच, विश्वस्त अनिरुद्ध शेलार यांनी सांगितले की, “संस्थेच्या वतीने वर्षभर विविध सामाजिक उपक्रम राबवले जातात. यंदाच्या गणेशोत्सवात शैक्षणिक मदत, आरोग्य तपासणी शिबिरे आणि वृक्षारोपण यांसारखे उपक्रमही राबवण्यात येणार आहेत.”

या उपक्रमाच्या यशस्वीतेसाठी विद्या देशमुख, सुनिता निकम, पूनम जाधव, तन्वी शेवकर, लहू सोनवणे, संचित अरनाळे, संस्कार अरनाळे आणि अंशुल शेलार यांनी विशेष परिश्रम घेतले. या उपक्रमाचे सर्व स्तरांतून कौतुक होत आहे.

प्रसारमाध्यमांमध्ये आमचे अन्नदान कार्य

गणेशोत्सवातील आमच्या अन्नदान उपक्रमाला माध्यमांकडून मिळालेला प्रतिसाद पाहून आम्ही कृतज्ञ आहोत. आमच्या कार्याबद्दल अधिक वाचण्यासाठी खालील लिंक्सवर क्लिक करा:

⏩ बातमी वाचा: 'बोल बिनधास्त' ⏩ बातमी वाचा: 'पीसी खबर' ⏩ बातमी वाचा: 'सह्याद्री नामा' ⏩ बातमी वाचा: 'सतर्क महाराष्ट्र'

तुमचा पाठिंबा आशेला बळ देतो: आताच दान करा!

तुमचे योगदान आम्हाला या महत्त्वाच्या सणाच्या काळात अधिक जेवण पुरवण्यास आणि अधिक कुटुंबांपर्यंत पोहोचण्यास थेट मदत करते. प्रत्येक देणगी आनंदाचा प्रसार करते आणि कोणीही उपाशी राहणार नाही याची खात्री देते.

गणेशोत्सव अन्नदानसाठी दान करा

✍️ 'शिवाजी शेलार मेमोरियल फाउंडेशन' - समाज आणि पर्यावरणाच्या विकासासाठी कटिबद्ध.